Хүнс, хөдөө аж ахуйн сайдаар томилогдсон Р.Бурмаад өнгөрсөн шөнө 01.40 цагт Монгол Улсын сайд, Засгийн газрын Хэрэг эрхлэх газрын дарга С.Баярцогт тамгыг нь гардуулан өгсөн юм. Р.Бурмаа сайд энэ үеэр “Хэдэн зууны туршид ХАА-н үйлдвэрлэл, нүүдлийн мал аж ахуй эрхэлж ирсэн монголчууд бидний хувьд өнөөдөр энэ салбарын үйлдвэрлэлийг орчин үетэй хөл нийлүүлэн, шинжлэх ухааны дэвшилтэт ололт нэвтрүүлэх замаар нэгжээс авах бүтээгдэхүүний хэмжээг нэмэгдүүлэх, бүтээгдэхүүнийг чанаржуулах явдал туйлын чухал зорилт болж байна. Иймд мэргэжлийн хамт олонтойгоо гар нийлэн ажиллана” гэлээ.
Р.Бурмаа сайдын намтрыг танилцуулвал:
Монгол Улсын Их Хурлын гишүүн
Монгол Улсын Их Хурлын Байнгын хорооны дарга
Төгссөн сургууль, мэргэжил:
1975 онд Нийслэлийн 10 жилийн 52 дугаар дунд сургууль
1982 онд БНБАУ-ын Софи хотын Техникийн их сургууль Электроникийн инженер мэргэжлээр
1987 онд Монгол Улсын Их Сургуулийн Англи хэлний сургууль
1992 онд Удирдлагын хөгжлийн институт Удирдлагын арга зүйч мэргэжлээр тус тус төгссөн.
Эрдмийн зэрэг, цол:
Удирдлагын ухааны магистр
Ажилласан байдал:
1982 - 1988 онд ШУА-ийн Физикийн хүрээлэнд эрдэм шинжилгээний ажилтан
1988 - 1992 онд Монел фирмд зохион бүтээгч инженер
1992 оноос Нийгмийн Дэвшил Эмэгтэйчүүд хөдөлгөөний тэргүүн
1997 оноос Сонгогчдын Боловсрол төвийн тэргүүн
1997 - 1998 онд Хүүхдийн төлөө төвийн дарга
2000 - 2006 онд Сонгуулийн Ерөнхий Хорооны гишүүн
2005 - 2008 онд Олон Нийтийн Радио Телевизийн Үндэсний зөвлөлийн гишүүн
2008 оноос Авлигатай тэмцэх газрын дэргэдэх Олон нийтийн зөвлөлийн гишүүн
2008 - 2012 онд Монгол Улсын Ерөнхийлөгчийн орон тооны бус зөвлөх
2012 оноос Монгол Улсын Их Хурлын гишүүн
2012 оноос Монгол Улсын Их Хурлын Өргөдлийн байнгын хорооны дарга
Гадаад хэл:
англи, орос, болгар