АНУ-ын Тагнуулын төв газар 2001 оны есдүгээр сарын 11-ний халдлагыг зохион байгуулсан хэрэгт шүүгдэж байсан сэжигтнүүдтэй хэрцгийгээр харьцаж, залхаан цээрлүүлдэг байсан нууц баримтууд энэ долоо хоногийн эхээр нийтэд ил болсон билээ. Энэхүү мэдээлэл нийтэд цацагдсаны дараа тус байгуулагын тэргүүн Жон Бреннан өөрийн хүсэлтээр огцорч буйгаа өчигдөр мэдэгджээ. Тэрбээр огцорсон шалтгаанаа тайлбарлаагүй ч “АНУ болон олон улсад заналхийлдэг алан хядах бүлэглэлүүдийг манай байгууллагууд амжилттай илрүүлж байсныг мартах учиргүй. Бид хэдэн хүний амийг аварснаа хэлж мэдэхгүй байна. Есдүгээр сарын 11-ний халдлага бол АНУ-ын хувьд хар дарсан зүүд. Энэхүү халдлагыг зохион байгуулсан бүлэг этгээдийг илрүүлж, халдлагын шалтгааныг тодруулахын тулд эрүүдэн шүүх ажиллагаа явуулж байсан. Энэ бол үнэн. Мөрдөн байцаагчдын зарим арга, техник харгис байсныг хүлээн зөвшөөрч байна” гэж хэлжээ.
1
Жон Бреннан 1989 онд ТТГ-т ажилд орж, 2009 онд тус байгууллагын даргаар томилогдож байжээ. Есдүгээр сарын 11-ний халдлагын дараа АНУ арав гаруй оронд тусгай шоронд байгуулж, онц ноцтой гэмт хэрэг үйлдсэн хэрэгтнүүдийг эрүүдэн шүүдэг байжээ. Обама 2009 онд Ерөнхийлөгчөөр сонгогдсоны дараа энэхүү шоронгуудын үйл ажиллагааг зогсоохоо мэдэгдэж байсан ч амласандаа хүрээгүй юм. Өнөөг хүртэл дээрх шоронгууд үйл ажиллагаагаа хэвийн явуулж буйг НҮБ мэдээлсэн байна. НҮБ-ын Хүний эрхийн хороо АНУ-ын ТТГ-ын талаарх мэдээлэл цацагдсаны дараа олон улсын шүүхэд өгөхөө мэдэгджээ.
1
Б.Дэлгэрцэцэг