Нийслэлийн хэмжээнд одоогийн байдлаар 3951 архи, согтууруулах ундаагаар үйлчилдэг цэг байдаг аж. Улаанбаатар хотын цагдаагийн газраас тус аж ахуй нэгжүүдэд оны эхний 11 сарын байдлаар давхардсан тоогоор 3174 удаа хяналт шалгалт хийж, нийт 1532 иргэн, аж ахуй нэгжийг Монгол Улсын "Архидан согтуурахтай тэмцэх тухай хууль", бусад хууль, тогтоомжийн дагуу торгуулийн арга хэмжээ авах болон бусад хууль тогтоомжийн дагуу торгуулийн болон үйл ажиллагаа явуулах зөвшөөрлийг цуцлах арга хэмжээ авч ажиллажээ.
ө
Баар, караоке, шөнийн цэнгээний газар согтуугаар үйлдэгдсэн хэрэг өмнө оныхоос өсч, оны эхний 11 сарын байдлаар 827 бүртгэгджээ. 11 сарын хугацаанд нийт 59617 хүн согтууруулах ундаа хэтрүүлэн хэрэглэж зөрчил гарган эрүүлжүүлэгдсэнээс 533 эмэгтэй, 316 нь 18 хүртэл насныхан байсан бол 312 оюутан, ерөнхий боловсролын долоон сурагч байсан байна.
ө
Б.Бэхи