БНХАУ-ын хууль сахиулах албанынханд хар тамхины хэргээр өнгөрсөн аравдугаар сарын 27-нд саатуулагдсан хоёр монгол эрэгтэйд холбогдох хавтаст хэргийн  мөрдөн байцаалтын ажиллагаа бараг дуусчээ. Тун удахгүй тус улсын ардын шүүхээс гэм бурууг нь хэлэлцэнэ.Хэрэгт холбогдсон хоёр монгол эрэгтэй Бээжинд сурдаг гэсэн мэдээлэл нь ташаа гэнэ. Тэд худалдаа эрхэлдэг байсан аж. Удахгүй хэргийг нь шүүхээр хэлэлцэх гэж байгаа тул ар гэрийнхэн нь тэднийг эргэхээр урд хөршийг зорьжээ. Саатуулагдсан залуусыг Ц овогтой А нь 1986 онд төрсөн эрэгтэй, Ж овогтой А нь 1981 онд төрсөн эмэгтэй аж. Тэдний ар гэрийнхэн нь хүсэлт гаргасан учир холбогдох газрууд дэлгэрэнгүй мэдээлэл гаргахыг хүсэхгүй байгаа юм.