Европын холбооны гишүүн орны удирдлагууд энэ сарын 18, 19-ний өдрүүдэд Брюссель хотноо чуулж байна. Энэхүү уулзалтын өмнө Германы Канцлер Ангила Маркель Европын орнуудын удирдлагуудад хандаж Украины эдийн засгийг сэргээх болон хөрөнгө оруулалтын асуудлаар ярихыг уриалсан билээ. Канцлерийн хүсэлтийн дагуу Европын холбооны удирдлагууд өнөөдөр Укрианд үзүүлэх мөнгөн тусламжийн асуудлаар ярилцжээ. Тэд Украиныг бие дааж, эдийн засгийн асуудлаа өөрөө шийдвэрлэх нь зөв хэмээж, тусламж үзүүлэх болон хөрөнгө оруулахаа хэсэг хугацаанд хойшлуулсан гэж “www.dailymail.co.uk” мэдээллээ.

1

Мөн энэ уулзалтаар Орост шинэ хориг тавих асуудлаар ярилцсан байна. Тэд Оросын зэвсгийн наймаа болон нийлүүлэлтэд хориг тавихаар шийдвэрлэжээ. Дээрх уулзалтын үеэр Украины Ерөнхийлөгч Петр Порошенко мэдэгдэл хийсэн юм. Тэрбээр 2020 оны эхэн хагаст Европын холбоо болон “НАТО”-д элсэхээ мэдэгджээ.

1

Б.Дэлгэрцэцэг