100 өвлийн өвгөнтэй баярын парад боллоо
2014-12-22

Баянгол дүүргийн Засаг даргын Тамгын газрын санаачилгаар дүүргийн хэмжээнд үйл ажиллагаа явуулж байгаа төрийн болон төрийн бус байгууллага, аж ахуй нэгж, ерөнхий боловсролын сургууль, цэцэрлэг, сууц өмчлөгчдийн холбоо, хувийн хэвшлийн байгууллагуудын оролцоотой “100 өвлийн өвгөнтэй хамт” баярын парадыг зохион байгууллаа. Бүх нийтийн шинэ жилийн баярыг тэмдэглэн өнгөрүүлэх ажлын хүрээнд болж буй энэхүү баярын парадад  дүүргийн удирдлагууд болон 100 өвлийн өвгөн, үлгэрийн баатрууд, иргэд оролцов.
Уг баярын парадын үеэр циркийн тоглолт болж, флаш моб бүжиг бүжиглэж, өвлийн өвгөд хүүхэд багачуудад бэлэг гардуулж, иргэдэд халуун аарц, чацарганаар үйлчилсэн юм. Баярын парадыг иргэд сэтгэл өндөр хүлээн авсан бөгөөд шинэ жилийн халуун дулаан уур амьсгал, инээмсэглэл бэлэглэсэн сайхан арга хэмжээ боллоо хэмээн талархалтай хандаж байлаа гэж Баянгол дүүргийн Хэвлэлийн албанаас мэдээллээ.


Shuud.mn
Сонин хачин