Хөдөлмөр эрхлэлтийг дэмжих Үндэсний хорооны даргаас өгсөн зөвлөмж, НХХЯ-наас хийсэн тооцоо, судалгааны үндсэн дээр 2011 оны 4-р сарын 13-ны өдрийн Засгийн газрын хуралдаанаар Хөдөлмөрийн тухай хуулийн 97 дугаар зүйлийн 4 дэх заалтын дагуу уурхайчдад нөхөн төлбөр олгох тухай асуудлыг оруулж, шийдвэрлүүлсэн. Үүний дагуу Налайхын нүүрсний уурхай, Хэнтий аймгийн Бор-Өндөрийн уурхай, Бэрхийн уурхай, Булган аймгийн Сайхан-Овоогийн уурхайд ажиллаж байгаад үйлдвэрлэлийн осол, мэргэжлээс шалтгаалсан өвчний улмаас хөдөлмөрийн чадвараа алдсан 1700 гаруй уурхайчинд 486 сая төгрөгийн нөхөн төлбөр олгох ажлыг зохион байгуулсан. Нэг уурхайчинд хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх хэмжээний буюу 280800 төгрөгийн нөхөн төлбөр олгожээ.