Иргэний харьяалал, шилжилт хөдөлгөөний ерөнхий газрын Хяналт шалгалтын хэлтсийн улсын ахлах байцаагчаар ажиллаж байсан Ж.Пунцагт холбогдох авлигын хэргийг өчигдөр Дүүргийн эрүүгийн хэргийн анхан шатны II шүүхэд хэлэлцэн шийдвэрлэлээ. Түүнд Эрүүгийн хуулийн 268 дугаар зүйлээр буюу бусдаас хахууль авсан гэж эрүүгийн хэрэг үүсгэн шалгасан юм. Ингэснээр Ж.Пунцагт жирийн дэглэмтэй хорих ангид нэг жил зургаан сар хорих ял шийтгэсэн байна.
а
Түүнийг албан тушаалаа ашиглан БНХАУ-ын хөрөнгө оруулалттай CRCG компанийн дэд захирал Жан Юү Шингээс таван сая төгрөгийн хахууль авсан хэмээн АТГ-аас эрүүгийн хэрэг үүсгэсэн. Тэрбээр визийн хугацаа нь хэтэрсэн БНХАУ-ын 14 иргэнийг хар тамга дарж албадан гаргахын оронд зүгээр явуулж, үүнийхээ хариуд тус компанийн орчуулагч Цацаа гэх эмэгтэйгээр зуучлуулан таван сая төгрөг авсан нь мөрдөн байцаалт болон шүүхийн хэлэлцүүлгийн шатанд тогтоогдсон гэж шүүхээс үзжээ.
бө
Харин авлига өгсөн CRCG компанийн дэд захирал Жан Юү Шингийг 9.3 сая, орчуулагч Цацааг 960 мянган төгрөгөөр торгохоор шийдвэрлэжээ.
ы
Б.Хүлэг
| Уншиж байна |