Иракийн хэт даврагч “Халифын вант улс” бүлэглэл Япон улсын хоёр иргэнийг цаазлахаа мэдэгдлээ. Тэднийг аврахын тулд Японы Засгийн газрыг 200 сая ам.доллар өгөхийг шаардсан видео бичлэгээ олон нийтийн сүлжээнд байршуулсан тухай “www.dailymail.co.uk” мэдээллээ.Нүүрээ халхалсан хэт даврагч “Японы Ерөнхий сайд Шинзо Абе иргэдээ аврахын тулд бидэнд мөнгө төл. Бидний саналаас татгалзвал тэд үхэх болно” гэж хэлжээ.   “Барьцаанд байгаа Японы иргэн, сэтгүүлч Кенжи Гото Жого болон зураглаач Харуна Юукава нарыг өнгөрсөн оны сүүлээр Сирийн нийслэл Дамаскт сурвалжлага бэлдэж байхдаа барьцаалагдсан” гэж Японы талаас мэдэгдэв.Шинзо Абе өнгөрсөн амралтын өдрөөс эхлэн Ойрхи Дорнодод төрийн айлчлал хийж буй. Тэрбээр тус бүлэглэлтэй тэмцэхийг олон улсад уриалж, хөрш орнуудад нь санхүүгийн тусламж үзүүлээд байгаа юм.   Б.Дэлгэрцэцэг