Тайландын
прокурорын газраас экс ерөнхий сайд Йинглак Чинаватыг будааны тариалангийн
салбарт төрөөс хэрэгжүүлсэн хөтөлбөрийн хүрээнд төсөвлөсөн олон тэрбум ам.долларыг
хувьдаа завшиж, улсад их хэмжээний хохирол учруулсан хэмээн буруутгаж буй билээ.
“Энэ хэрэгтэй экс Ерөнхий сайд холбоотой нь тогтоогдвол 10-15 жилийн ял авч
магадгүй” гэж “www.dailymail.co.uk” мэдээллээ.
Үндэсний авлигын эсрэг комиссоос “Йинглак Чинават 2011-2014 оны хооронд
төрийн хөтөлбөрийн хүрээнд улсад 16.9 тэрбум ам.долларын хохирол учруулж,
иргэдэд дарамт учруулсан” гэж мэдээлжээ. Дээрх хэргээс гадна Йинглакийг төрийн
эргэлт хийхийг санаархсан гэж үзсэн байна. Өнгөрсөн оны эхээр нийслэл Бангкок
хотноо олон мянган иргэн Ерөнхий сайдаа огцрохыг шаардаж жагссан юм. Хагас
жилийн турш үргэлжилсэн жагсаалын үеэр долоон хүн амиа алдсан билээ. Шүүхээс
амиа алдсан хүмүүсийн хариуцлагыг Йинглак үүрэх ёстой гэв.
Будааны экспорт болон жагсаал, авлигын хэрэгтэй экс сайд хамааралгүй гэж мэдэгджээ. Тэрбээр “Энэ бүх хэрэг улстөрчдийн найруулсан зохиол” гэж хэлсэн байна.
Б.Дэлгэрцэцэг
Уншиж байна |