Засгийн газар ээлжит бусаар хуралдаж, Монгол Улсын гурван сая дахь иргэн, түүний чацуутныг тодорхойлох, тэднийг угтах, алдаршуулах ажлыг зохион байгуулах асуудлыг ярилцжээ. Ингэхдээ маргааш Монголын Хүүхдийн ордонд Гурван сая дахь иргэн тодорсныг алдаршуулах арга хэмжээг зохион байгуулахаар болжээ.
ө
Монгол Улсын гурван сая дахь иргэнээр Өмнөговь аймгийн Даланзадгад сумын иргэн Э.Хатанболдын гэр бүлд мэндэлсэн охин тодорсон юм. Гурван сая дахь иргэн болсон Х.Монголжин охинтой үе чацуутан болон 181 хүүхэд мэндэлсэн. Тэгвэл Засгийн газрын 400 дугаар тогтоолоор тэднийг алдаршуулах юм. Тус тогтоолын дагуу Монгол Улсын гурван сая дахь иргэнийг 70 сая хүртэл төгрөгийн үнэ бүхий орон сууц буюу түүнтэй тэнцэх хэмжээний мөнгөн шагналаар шагнах юм. Бас түүнтэй хамгийн ойр мэндэлсэн нэг чацуутанд мөн адтл 70 сая төгрөгийн шагнал өгөх юм. Харин чацуутнуудад гурван сая төгрөгийн нэг удаагийн тэтгэмж олгохоор шийдвэрлэжээ.
Уншиж байна |