Ирэх сарын дундуур хоёр Солонгосын удирдлагууд уулзаж, энхийн хэлэлцээр хийхээр тохиролцсон билээ. Ерөнхийлөгч Пак Ын Хэ хэлэлцээр хийхийн тулд Пхеньяны болзлыг хүлээн авахаа мэдэгдээд байсан юм. Тэгвэл Хойд Солонгосын “Хөдөлмөрийн нам”-ын орлогч дарга Ким Нам Ён өчигдөр “KCNA” агентлагт “Өмнөд Солонгостой хэлэлцээрийн ширээний ард суухаасаа өмнө тус улс Пхеньянд 10 тэрбум ам.доллар төлөх ёстой. Мөн 400 мянган тонн цагаан будаа, 100 тонн улаан буудай, 300 тонн бордоо олгохыг хүсье. Энэ бүхнийг өгөхийг зөвшөөрвөл Ким Чен Ун та бүхэнтэй уулзах болно. Харилцан нэг нэгэндээ буулт хийцгээе” гэж ярьсан хэмээн “www.dailymail.co.uk” мэдээллээ.
1
2009 оны дөрөвдүгээр сард Өмнөд Солонгосын экс Ерөнхийлөгч Ли Мён Бак Хойдын удирдлагуудтай уулзах санал тавьсан юм. Энэхүү саналын хариуд Пхеньян 10 тэрбум ам.доллар, 450 сая ам.долларын өртөг бүхий хүнс олгохыг шаардсанаас болж, уулзалт бүтэлгүйтэж байжээ. 2000 оны нэгдүгээр сард Өмнөдийн экс Ерөнхийлөгч Ким Дэ Жүн 500 мянган ам.доллар Пхеньянд шилжүүлж, хэлэлцээр хийсэн юм. Энэхүү хэлэлцээрийн дүнд дайны үеэр хагацсан гэр бүлүүдийг уулзуулахыг Пхеньян зөвшөөрчээ.
1
Б.Дэлгэрцэцэг
Уншиж байна |