-Би Үндсэн хуулийн цэцэд хандана-

.

Төрийн байгуулалтын байнгын хорооны хуралдаанаар ЗГХЭГ-ын дарга С.Баярцогтыг огцруулах тухай нэр бүхий гишүүдийн өргөн барьсан саналыг хэлэлцэх байсан боловч хойшиллоо. Учир нь  “Шударга ёс” эвслийн бүлэг уг асуудлаар судлан шийдвэрлэх зүйл байгаа тул тав хоногийн завсарлага авсан юм.  Үүнтэй холбоотойгоор байнгын хорооны хуралдаанд ЗГХЭГ-ын дарга С.Баярцогт байр сууриа илэрхийлэв. Тэрбээр:

с

-“Шударга ёс” эвслийн бүлгийг завсарлага авч байгаад харамсаж байна. Огцруулах санал өргөн барьсан хоёр хоногийн хугацаанд хувь хүн, хувь улстөрчийн, Засгийн газрын, УИХ-ын  нэр хүндийг гутаах пиар-аа хангалттай хийлээ. Би өнөөдөр УИХ-ын дэд дарга Л.Цог, гишүүн Г.Уянга нарыг надаас уучлал гуйгаад асуудлаа татаж авах гэж байгаа юм байна гэж ойлгосон. Би адилхан сонгогчидтой, аав ээжтэй хүн. Та нарын доромжлол хэрээс хэтэрч байна. Тиймээс би Ёсзүйн хороо, шүүх, Үндсэн хуулийн цэцэд хандана. Хар дээр цагаанаар бичсэн маш ойлгомжтой зүйл байхад судлах асуудал байхгүй. Бүх холбогдох материалаа өгсөн.  Төсвийн байнгын хорооноос бичиг шаардсаны дагуу Хөгжлийн банк  Сангийн яаманд бичгээ ирүүлсэн. Сангийн яам энэ дагуу ЗГХЭГ-т бичгээ ирүүлсэн. Тэр бичгийг нь би дамжуулсан. Ийм асуудалд хүн гүтгэж, доромжилж байна. Би гарын үсэг зурсан нэр бүхий гурван гишүүнийг ойлгож байна. Анх удаа сонгогдсон, төрийн ажил яаж явдгийг мэдэхгүй байж магадгүй. Харин Л.Цог, Ц.Даваасүрэн нарын гишүүн удаа дараа сонгогдсон, төрийн хариуцлагатай ажлыг хашиж байсан. Зориуд хүн гүтгэж, доромжилж байгааг нь ойлгохгүй байгаа. Та нар төрийн түшээгийн байр сууринаас ханд. Хэрвээ судлах шаардлагатай гэж үзэж байгаа бол асуудлаа татаж ав. Утгагүй зүйл хийж болохгүй. Энэ чинь өмнөх Засгийн газрын үед шийдвэр нь гарсан, холбогдох бичиг баримт нь бүрдсэн зүйл гэлээ.

а

Н.Энх