Багшийн мэргэжлээр их, дээд сургууль төгссөн, багшлах эрх нь цуцлагдсан хүмүүст багшлах эрх олгох шалгалтыг жилд хоёр удаа явуулдаг. Энэ жилийн бүртгэл хоёрдугаар сарын 3-ны өдөр эхэлсэн боловч, одоогийн байдлаар 189 хүн бүртгүүлсэн байна. Нэг удаагийн шалгалтад 3000 орчим хүн шалгуулдаг байна.
ы
Багшлах эрхийн шалгалт энэ сарын 28-ныг хүртэл үргэлжлэх аж. Багшийн мэргэжил дээшлүүлэх институтаас багшлах эрхийн шалгалтыг ирэх сарын дундуур авахаар төлөвлөсөн байна. Шалгалтыг ерөнхий сурган сэтгэл судлал, эссэ бичлэг гэсэн хоёр шаттайгаар цахимаар явуулах аж. Эхний тестийн шалгалтад тэнцсэн шалгуулагч эссэ бичлэгийн шалгалтыг өгөх эрхтэй болох юм байна. Шалгалтын бүртгэл үргэлжлэх үлдсэн өдрүүдэд шалгуулах ахүсэлтэй иргэд бүртгүүлэхээс өмнө 35 мянган төгрөгийн шалгалтын хураамжийг Багшийн мэргэжил дээшлүүлэх институтийн Төрийн сангийн 900015010 тоот дансанд шилжүүлж, www.itpd.mn цахим хуудсаар бүртгүүлэхийг анхаарууллаа.
ы
Б.Бэхи
Уншиж байна |