Монгол Улсын Ерөнхийлөгч Цахиагийн Элбэгдорж өнөөдөр “Саусгоби Сэндс”-ийн удирдлагуудад уучлалт үзүүлсэн билээ. Энэ талаар олон улсын хэвлэлүүдэд хэрхэн мэдээлснийг хүргэж байна.
“Ройтерс” агентлаг
Монгол Улсын Ерөнхийлөгч Ц.Элбэгдорж өнөөдөр “Саусгоби Сэндс” ХХК-ийн гүйцэтгэх захирал Жастин Капла, санхүүгийн ерөнхий менежер Хиларион Кажуком, Кристобэл Дэвид нарт уучлалт үзүүлэхээ мэдэгдсэн байна. “Капла шоронгоос суллагдаж, эрх чөлөөтэй боллоо” гэж түүний өмгөөлөгч мэдэгджээ.
Нүүрсний уурхайн “Саусгоби Сэндс” ХХК-ийн удирдлагууд буруутай нь тогтоогдож, ял сонссон юм. Тус компанийн гүйцэтгэх захирал Жастин Капла болон Хиларион Кажуком, Кристобэл Дэвид нарт Монгол Улсын Ерөнхийлөгч уучлалт үзүүлж буйгаа мэдэгдсэн байна.Ерөнхийлөгчийн цахим хуудаст дээрх мэдээллийг үнэн болохыг нь баталжээ.
АНУ-ын иргэн Жастин Капла, Филиппин улсын иргэн Хиларион Кажуком, Кристобэл Дэвид нарыг өчигдөр цагдан хорих 461 дүгээр ангиас чөлөөлсөн байна. Тус улсын шүүх Жастин Капла, Кристобэл Дэвид нар 5 жил 10 сар, Хиларион Кажуком 5 жил 6 сарын хорих ялаар шийтгэсэн билээ.
Капла эрх чөлөөтэй боллоо
Монгол Улсын Ерөнхийлөгч Ц.Элбэгдорж тус улсад ял эдэлж буй “Саусгоби Сэндс” ХХК-ийн удирдлагуудад уучлалт үзүүлснээ албан ёсоор мэдэгдлээ. Тэрбээр твиттертээ энэхүү мэдээллээ баталж, жиргэсэн байна.
Тус компанийн гүйцэтгэх захирал Жастин Капла, санхүүгийн ерөнхий менежер Хиларион Кажуком, Кристобэл Дэвид нарын татвараас зайлсхийлсэн хэмээн буруутгаж өнгөрсөн сарын 30-ны өдөр холбогдох хэргийн шүүх хурал болсон билээ. Шүүх тэднийг буруутай хэмээж Капла, Кристобэл нарт 5 жил 10 сар, Кажукомыг 5 жил 6 сарын хорих ял оноосон юм.
Каплацагдан хорих 461 дүгээр ангиас чөлөөлөгдсөнийхөө дараа “Би эрх чөлөөтэй боллоо” гэсэн мессежийг гэрийнхэндээ илгээжээ.
Б.Дэлгэрцэцэг