Иракт байлдаж явсан АНУ-ын мэргэн буудагч Крис Кайлийн тухай өгүүлэх “American Sniper” бүтээлийг кино театруудаар гаргахгүй байхыг “Халифын улс”-аас сануулсан тухай “www.dailymail.co.uk” мэдээллээ. Тус бүлэглэлийн тэргүүн Бакар аль Багдади “Энэ сардаа багтааж “American Sniper” киног зах зээлээс татахгүй бол бид дараагийн аргаа хэрэглэх болно. Бид тус киноны найруулагч болон гол, туслах дүрүүдийн аминд хүрч, Америкт халдлага үйлдэхээ мэдэгдэж байна. Биднийг доромжилж, исламын шашныг гутаасан бүхэн шийтгэлээ амсах учиртай” гэж мэдэгджээ.

1

Багдадагийн мэдэгдлийн дараа хэт даврагчид “Америкчуудаа та нар бидний овоо хараанд байна” гэх дүрс бичлэгийг олон нийтийн сүлжээнд байршуулсан байна. Нийт 10 минут үргэлжлэх бичлэгт жихади мэргэн буудагчийн дуранд өртөж, амиа алдахад ойрхон байгаа энгийн иргэд бичигджээ.

Өнгөрсөн сар Арабын нэгдсэн холбооноос “American Sniper” киног исламын шашинтнуудыг өдөөн турхирч болзошгүй хэмээж, нээлтээ хийхээ хэсэг хугацаанд хойшлуулах саналыг найруулагч Клинт Ийствудад тавьсан ч татгалзсан хариу авсан билээ. Энэ сарын 2-нд кино нээлтээ хийсэн бөгөөд өнөөдрийн байдлаар 240 сая ам.долларын ашиг олжээ.

1

Б.Дэлгэрцэцэг