Манай өмнөд хөрш БНХАУ-ын тээвэр зуучийн компаниуд тээвэрлэлтийн үнээ нэмэгдүүлэх болсон, тэрдундаа нутаг дээгүүр нь дамжин өнгөрөх чингэлэг бүрийн тээврийн хөлс нэмэгдэх болсон тул манай улс ч төмөр замын тээвэрлэлтийн үнээ нэмэгдүүлэхээс өөр аргагүй байдалд орж байгаа тухай Монголын Үндэсний Тээвэр Зуучлагчдын Холбооноос мэдээлсэн. Мэдээллийн дагуу эл асуудлыг мэдэх учиртай газар болох “Улаанбаатар төмөр зам” нийгэмлэгийн Тээвэр хариуцсан орлогч дарга Д.Жигжиднямаатай холбогдлоо. Түүнээс “БНХАУ-ын тээвэр зуучийн компаниуд үнээ нэмэгдүүлж байгаагийн улмаас манай төмөр замын тээвэрлэлтийн үнэ нэмэгдэнэ гэсэн мэдээлэл байна. Үнэхээр үнэ нэмэхээс өөр аргагүй байдал үүссэн юм уу? “ хэмээн тодруулахад: -Тийм юм байхгүй. БНХАУ-д дотоодын тээвэрлэлтийн үнээ өсгөсөн. Харин манай улсын тухайд үүнээс шалтгаалан үнээ нэмэхгүй... гэсэн хариултыг өглөө.