"Хамаг Монгол" төсөл, "ДМ" нэгдэл, "Гал үндэстэн" холбоо хамтран төр, түмний халз мэтгэлцээнийг зохион байгуулахаар санаачилсан талаар өнөөдөр мэдээллээ. "Төр буруутай юу. Түмэн олон буруутай юу?" халз мэтгэлцээний асуулт буюу ард түмний төрөөс асуухыг хүссэн асуултыг цуглуулах ажлыг энэ сарын 7-ны өдрийн 12:00 цагаас эхлэн Чингис хааны нэрэмжит төв талбайд зохион байгуулах юм байна. Тэнд Монгол Улсын иргэн хэн ч очиж асуулт, саналаа үлдээх боломжтой гэсэн.
бы
"Хамаг Монгол" төслийн удирдагч МУГЖ С.Жавхлан "Бид өнөөдрийн нийгэмд үүсээд буй маргаантай олон асуудал, олон нийтийн бухимдлыг төрүүлж буй эрх баригчдын зүй бус үйл ажиллагааг тодруулж, үүнд хариулт авахаар Монгол Улсын Ерөнхийлөгч Ц.Элбэгдорж, Ерөнхий сайд Ч.Сайханбилэг, УИХ-ын дарга З.Энхболд болон УИХ-ын нийт гишүүнийг "Төр буруутай юу Түмэн олон буруутай юу" төр, түмний халз мэтгэлцээнд дуудаж байна. Иймд энэхүү халз мэтгэлцээнийг олон нийтэд мэдээ, мэдээлэл дамжуулах үүрэгтэй МҮОНРТ-ээр гуравдугаар сарын 11-ний оройн 21:00-23:00 цагийн хооронд шууд дамжуулж өгөх, шууд нэвтрүүлгийн цаг хүссэн албан бичгийг энэ хурлын дараа тус байгууллагын захирал Ц.Оюундарьд хүргэж өгнө" гэж ярилаа.
ы
Тэд Монгол Улсын Ерөнхийлөгч, Ерөнхий сайд, УИХ-ын дарга болон УИХ-ын гишүүдийн ард түмний асуултад хариулахыг шаардаж буйгаа илэрхийлсэн. Энэ сарын 7-ны бямба гаригийн 12:00 цагт төв талбайд эхлэх асуулт цуглуулах ажиллагааны үеэр мөн ард түмнээс "цаашид Төрд итгэх үү. Итгэж чадахгүй бол яах вэ" гэдэг асуултад хариулт авна гэж Гал үндэстэн холбооны дэд тэргүүн Ж.Энхбаяр онцолж байсан.
б
Б.Хүлэг