Хүчирхийллийн улмаас дөрвөн настай охин амь насаа алдсан харамсалтай хэргийн дараа ээжүүд нэгдэж, фэйсбүүк хуудаснаа "Ээж бүхний дуу хоолой" группт нээж, үзэл бодол, дуу хоолойгоо илэрхийлж эхэлсэн. Тэд энэ сарын 2-6-ны өдрүүдэд Чингис хааны нэрэмжит талбайд өдөр бүр цуглаан хийж харамсалтайгаар амиа алдсан охины хэрэг бүү мартагдаасай, мөрдөн байцаалтын ажиллагаа, шүүхийн шийдвэр шударга үнэн зөв гараасай, Гэр бүлийн хүчирхийллийн тухай хууль, Хүүхэд хамгаалах хуулиудыг олон нийтийн хэлэлцүүлгээр оруулан батлах, бүх нийтийн хариуцлагатай нийгмийг хамтдаа бий болгохыг уриалж байсан.

б

Харин өнөөдөр хүүхэд эмэгтэйчүүдэд ээлтэй, аюулгүй нийгмийг олон нийт, төр засаг, хүүхэд эмэгтэйчүүдийн төлөө ажилладаг бүх хүмүүсээс шаардаж буйгаа илэрхийлэн мэдээлэл хийлээ. Ээжүүд Монгол Улсын Ерөнхийлөгч Ц.Элбэгдоржид Гэр бүлийн хүчирхийллийн тухай хууль, Хүүхэд хамгааллын хуулийг иргэний төлөөлөл, ээжүүдийн төлөөлөл, бусад төрийн болон төрийн бус байгууллагын албаны мэргэжилтнүүд, энэ чиглэлийн экспертүүдийг байлцуулан төрийн ордонд яаралтай хэлэлцүүлэх тухай хүсэлтийг хүргүүлжээ.

ы

Мөн Монгол Улсын Ерөнхий прокурор М.Энх-Амгалангаас дөрвөн настай охины амь нас хохирсон хэргийг шударгаар шалган үнэн зөвөөр шийдвэрлэхи өгөхийг хүссэн бол УИХ дахь эмэгтэйчүүдийн төлөөллийг ээжүүдийн дуу хоолойг сонсохыг хүсчээ.

б

"Ээж бүхний дуу хоолой" группын 9000 гаруй гишүүн Олон улсын эмэгтэйчүүдийн эрхийг хамгаалах өдөр буюу гуравдугаар сарын 8-ны өдрийн 12:00-15:00 цагийн хооронд Чингис хааны нэрэмжит төв талбайд жагсаал зохион байгуулахаар болсон тухайгаа дуулгасан.

ы

  Б.Хүлэг