"Хамаг Монгол" төсөл, "ДМ" нэгдэл, "Гал үндэстэн" холбооны гишүүд дэмжичдийн санаачлагаар өнөөдөр Чингис хааны нэрэмжит төв талбайд олон нийтийн тайван жагсаал болж байна. Тэд өнөө цант манай улсад өрнөж буй үйл явдлыг дүгнэж, өөрсдийн дуу хоолойгоо илэрхийлж байна.
б
Мөн тайван жагсаалын үеэр төр, түмний халз мэтгэлцээнийг үеэр жагсаалд оролцогчид болон талбайн ойролцоо явж буй иргэд Монгол Улсын Ерөнхийлөгч, Ерөнхий сайд, УИХ-ын дарга болон УИХ-ын гишүүдээс асуух асуултаа бичин үлдээж байлаа. "Хамаг Монгол" төслийн удирдагч МУГЖ С.Жавхлан "Өнөөдрийн нийгэмд үүсээд буй маргаантай олон асуудал, олон нийтийн бухимдлыг төрүүлж буй эрх баригчдын зүй бус үйл ажиллагааг тодруулж, үүнд хариулт авахаар Монгол Улсын Ерөнхийлөгч Ц.Элбэгдорж, Ерөнхий сайд Ч.Сайханбилэг, УИХ-ын дарга З.Энхболд болон УИХ-ын нийт гишүүнийг "Төр буруутай юу Түмэн олон буруутай юу" төр, түмний халз мэтгэлцээнд дуудаж байгаа. Иймд энэхүү халз мэтгэлцээнийг олон нийтэд мэдээ, мэдээлэл дамжуулах үүрэгтэй МҮОНРТ-ээр гуравдугаар сарын 11-ний оройн 21:00-23:00 цагийн хооронд шууд дамжуулж өгөх, шууд нэвтрүүлгийн цаг хүссэн албан бичгийг МҮОНРТ-ийн захиралд хүргүүлнэ" гэж ярьж байсан.
ы
Түүнчлэн өнөөдрийн тайван жагсаалын үеэр "Ерөнхийлөгч Ц.Элбэгдорж үүрэгт ажлаа өгч, огцрох шаардлагатай юу" гэсэн санал асуулгыг иргэдийн дунд явуулж байна.
б
Б.Хүлэг