Шадар сайд У.Хүрэлсүх энэ сард Япон Улсын Сендай хотод зохион байгуулагдах Гамшгийн эрсдлийг бууруулах дэлхийн III бага хуралд оролцохоор болжээ. Түүнийг дээрх бага хуралд оролцохыг өчигдөр хуралдсан Засгийн газрын ээлжит хуралдааны үеэр хэлэлцэн зөвшөөрсөн байна.
Манай улсад сүүлийн 10 жилийн хугацаанд гамшгийн улмаас хоёр мянга 300 гаруй хүн амь насаа алдсан байна. Цаашдаа ч байгалийн гамшигт өртөж амь насаа алдсан хүний тоо, хохирлын хэмжээ нэмэгдэх хандлагатай байгаа гэнэ. Тиймээс Шадар сайд У.Хүрэлсүх Гамшгийн эрсдлийг бууруулах дэлхийн гуравдугаар бага хуралд оролцож, олон улсын туршлага судалах аж.
Гамшгийн эрсдлийг бууруулах дэлхийн гуравдугаар бага хурал энэ сарын 14-18-ны өдрүүдэд Япон улсад болно. Уг хуралд дэлхийн 17 орны төрийн тэргүүн, олон улсын 20 гаруй байгууллагаас гадна 100 гаруй орны төлөөлөгч бүртгүүлжээ.
Б.Дэжид
Уншиж байна |