Хятадын төрийн мэдлийн газрын тосны “Petro China” компанийн гүйцэтгэх захирал Ляо Ёнгюань авлигын хэрэгт холбогдсон тухай “Ройтерс” агентлаг мэдээллээ. Тэрбээр өнгөрсөн оны нэгдүгээр сард тус компанийн гүйцэтгэх захирлаар томилогдсон юм. Түүнийг өнгөрсөн амралтын өдөр баривчилж, мэдүүлэг авч эхэлжээ. “Синьхуа” агентлаг “Ляо Ёнгюань авлига авсан. Гэхдээ хэнээс гэдэг нь тодорхойгүй байгаа” гэж мэдээлжээ. Мөн “Petro China”-ийн охин компанийн удирдлагуудыг байцааж эхэлсэн байна.
1
Энэ он гарснаар төрийн өмчит компаниудад ажилладаг 1000 гаруй хүнийг авлига авсан хэмээн буруутгаж, ажлаас нь чөлөөлсөн билээ. Тус улсын дарга Си Зиньпин авлига авсан бүх хүнийг хуулийн дагуу шийтгэж, хариуцлага тооцохоо мэдэгдэж, хууль бус явдалтай тэмцэхийг ард түмэндээ уриалсан билээ. Хятадын “CCTV” телевиз “Комминуст намын хэрэгжүүлж буй авлигатай тэмцэх хөтөлбөр таны амьдрал, ажилд хэрхэн нөлөөлж байна” гэх нээлттэй санал асуулгыг явуулжээ. Энэхүү санал асуулгад 1.4 сая хүн оролцсон бөгөөд саналаа өгсөн иргэдийн 70.4 хувь нь “Ажлаа амжуулахын тулд авлига өгөхгүй байгаадаа таатай байна. Өндөр албан тушаалтнууд ажлаасаа халагдахаасаа айж, авлига авахаас татгалзаж байгаа” гэж хариулжээ.
\
Б.Дэлгэрцэцэг
Уншиж байна |