Украины Ерөнхий сайд Арсений Яценюк “ВВС” агентлагт ярилцлага өгөх үеэрээ ОХУ-ын Засгийн газрын эсрэг хэрэгжүүлж буй эдийн засгийн хориг арга хэмжээгээ чангаруулахыг хүссэн тухай “www.dailymail.co.uk” мэдээллээ. Тэрбээр “Бид АНУ, Их Британийн удирдлагуудаас тусламж хүссэн байгаа. Украины зүүн хязгаарын зөрчил мөргөлдөөнийг эхлүүлж, гэмгүй олон мянган иргэнийг минь айдаст автуулсан салан тусгаарлагчдыг Орос зэвсгээр хангадаг нь үнэн. Хэдий гал зогсоод буй ч айдас, түгшүүр өнөөг хүртэл оршсоор байна. Орос хариуцлага хүлээх болон Украины ард түмнээс уучлалт гуйх, хохирлоо барагдуулах хүртэл тус улсын эсрэг хэрэгжүүлж байгаа хориг арга хэмжээгээ улам чангаруулахыг хүсье” гэж хэлсэн байна.
1
Лондон дахь Европын шинэчлэлийн төвийн гадаад бодлогын төвийн захирал Иан Бонд өчигдөр “Оросын эсрэг хэрэгжүүлж буй хоригоосоо татгалзах хүсэлтэй орнууд жагсаалтаа гаргасан” гэж мэдэгджээ. “Итали, Грек, Словак, Австри, Испанийн удирдлагууд хоригоо цуцлах хүсэлт гаргасан. Харин хоригоо үргэлжүүлэхээ АНУ-ын талаас мэдэгдэж, “Байр сууриндаа баттай байх болно” гэсэн” хэмээн Бонд ярьжээ.
Яценюк хоригоо цуцлах хүсэлт гаргасан улсын удирдлагуудтай уулзах хүсэлт тавьсан гэж ярилцлагынхаа үеэр дурьдсан юм.
1
Б.Дэлгэрцэцэг
Уншиж байна |