Малайзын “МН17” онгоц өнгөрсөн долоодугаар сарын эхээр Украины Грабово хотын ойролцоо осолдож, 280 зорчигч болон багийн 15 гишүүн бүгд амиа алдсан юм. Ослын газар ажиллаж буй Европын холбооны шинжээчид ослын газраас Оросын пуужингийн хэлтэрхийг олж, шинжилгээнд өгсөн тухай Голландын “RTL” телевиз мэдээлснийг “www.dailymail.co.uk” уламжлав. Пуужингийн хэлтэрхийг “Бук 9М317” болохыг тогтоосон гэж Европын холбооны ахлах шинжээч Александр Хааг мэдээллээ. Голландын удирдлагууд ““МН17” онгоцыг Оросын цэргүүд харвасан байх магадлалтай. Гэхдээ бидэнд хангалттай, баттай баримт хэрэгтэй байна. Өнөөдрийг хүртэл зорчигчдын гэр бүл ослын жинхэнэ буруутанг олохыг хүсч байгаа” гэж мэдэгджээ.
1
Оросын Батлан хамгаалах яам дээрх мэдээллийг эрс үгүйсгэж, ““МН17” онгоцыг Украины армийнхан пуужингаар харвасан” гэсэн байна. Онгоцны хэд хэдэн сэг Голландын талд байгаа бол хэргийн жинхэнэ зангилааг тайлах онгоцны хар хайрцаг Малайзын талд байгаа юм. Онгоц осолдсоны дараа ослын газар хамгийн эхэнд салан тусгаарлагчид очиж, хар хайрцгыг олсон аж. Тэд 11 хоногийн дараа Малайзын талд хар хайрцгийг эргүүлэн өгсөн ба шинжилгээ хийхэд бүх мэдээллийг устгасан нь тогтоогдсон билээ.
1
Б.Дэлгэрцэцэг
Уншиж байна |