УИХ-ын гишүүн, Өргөдлийн байнгын хорооны дарга О.Баасанхүү мэдээлэл хийлээ. Тэрбээр иргэдээс ирсэн өргөдөл гомдолтой холбоотой асуудлаар мэдээлсэн юм.
Өргөдлийн байнгын хороонд ирсэн гомдлуудын дийлэнхийг яамд төрийн албан хаагчийг ажлаас нь халсан асуудал эзэлжээ. Яамны орлон гүйцэтгэгч нь хэн нэгийг үүрэгт ажлаас нь халах, томилох эрхгүй байдаг байна. Зөвхөн Төрийн нарийн бичгийн дарга нар л хэн нэгнийг ажлаас томилох чөлөөлх эрхтэй аж. Гэтэл БОНХАЖЯ, ЭМЯ-ны түр орлон гүйцэтгэгч нар төрийн албан хаагчдыг ажлаас нь чөлөөлжээ. БОНХАЖЯ-наас төрийн албан хаагчийг ажлаас нь халсан гомдол хамгийн их ирсэн байна. Дээрх өргөдөл гомдолтой холбогдуулан Өргөдлийн байнгын хорооны дарга О.Баасанхүү Ерөнхий сайдад албан бичиг явуулсан байна.
“Ажлаас үндэслэлгүй халагдсаныг шүүх тогтоовол тухайн ажилтны цалинг тухайн байгууллага нь олгодог. Харин хэн нэг албан тушаалтны буруу шийдвэрээр тухайн байгууллагад учирсан хохирлыг Засгийн газар түр орлон гүйцэтгэгчээс авах ёстой. Төрийн алба бол төрийн алба. Улстөрийн алба биш. Тиймээс Ерөнхий сайдад энэ талаар албан бичиг явууллаа” хэмээн мэдээлэв.
Н.Энх
Уншиж байна |