Өнгөрсөн даваа гаригын Засгийн газрын хуралдааны үеэр Ерөнхий сайд Ч.Сайханбилэг, Засгийн газрын Хэрэг эрхлэх газрын дарга С.Баярцогт нар хоорондоо муудалцжээ.

Эх сурвалжийн мэдээлж буйгаар "УИХ-ын дарга З.Энхболд, сайд М.Энхсайхан нар маргалдсаны эцэст Тавантолгойн ордын гэрээг УИХ-ын чуулганаар хэлэлцэхээр болсон.

М.Энхсайхан уг гэрээг өнгөрсөн даваа гарагт УИХ-д өргөн барина гэж байсан ч одоо хүртэл сураг чимээгүй байна. Харин үүний шалтгааныг эх сурвалж Ерөнхий сайд Ч.Сайханбилэг, Засгийн газрын хэрэг эрхлэх газрын дарга С.Баярцогт нарын дунд маргаан гарсантай холбоотой хэмээн тайлбарлалаа. 

Тодруулбал, Ерөнхий сайд Ч.Сайханбилэг Тавантолгойн гэрээний төслийг УИХ-д маргааш өргөн барина  гэсэн бол, С.Баярцогт “Ийм муу гэрээг УИХ-д өргөн барих нь учир дутагдалтай, гэрээний төсөл дээр дахин ажиллах шаардлагатай” гэснээр тэдний дунд багагүй маргаан үүссэн байна. 

Эцэст нь С.Баярцогт хаалга саван хуралдааны танхимаас гарсан сурагтай.

Б.Дэжид