Монголын туялзуур сэлэмний холбооны насанд хүрэгчдийн эрэгтэйчүүдийн дөрөв, эмэгтэйчүүдийн гурав дахь удаагийн улсын аварга шалгаруулах тэмцээн өнгөрөгч амралтын өдрүүдэд “Футзалын ордон”-д боллоо.
Тэмцээний эрэгтэйчүүдийн ангилалд “Хангарьд”-ын Б.Батхүү түрүүлж, анх удаа улсын аварга цолыг хүртлээ. Харин Ц.Жигжидсүрэн мөнгөн медаль хүртсэн бол Э.Дөлгөөн, Э.Энхдэлгэр нар хүрэл медаль зүүсэн.
Эмэгтэйчүүдийн тулаанд Б.Гэрэлмаа аваргалсан. Ингэснээр тэрбээр УАШТ-д гурав дахь удаагаа түрүүлж байна. Мөнгөн медалийг “Уурхайчин” клубын тамирчин Б.Амарзаяа хүртэв. М.Жаргалмаа, А.Халиунаа нар гутгаар байранд шалгарч, хүрэл медалийн эзэд болов.
Энэ удаагийн УАШТ-д таван клубын эрэгтэй, эмэгтэй 80 гаруй тамирчин оролцсон юм.
Б.Бэхи
Уншиж байна |