УИХ дахь МАН-ын бүлгийн хуралдаан өндөрлөлөө. Бүлгийн хуралдаанаар хэлэлцсэн асуудлын талаар гишүүн Н.Номтойбаяр, Д.Сумъяабазар нар мэдээлэл хийсэн юм. Тус намын бүлгийн хуралдаанаар Сонгуулийн хуулийн тухай, нийслэлийн гэр хорооллын дахин төлөвлөлт зэрэг асуудлыг хэлэлцсэн байна. Д.Сумъяабазар нарын гишүүн нийслэлийн гэр хорооллын дахин төлөвлөлттэй холбоотой асуудлаар иргэдийн санал сэтгэгдлийг сонссон байна. Дахин төлөвлөлтэй холбоотойгоор иргэд, аж ахуйн нэгжийн өмчид хууль бусаар халдаж байгаа гомдлыг иргэд ээс гарчээ.
Дахин төлөвлөлтөөр барилга барих гүйцэтгэгч компаниуд төлбөрийн чадвар муутай, газрын үнэлгээг иргэдийн бухимдлыг төрүүлж байгаа юм. 0.07 га газраа чөлөөлүүлсэн иргэд 24 ам.метр талбай орон сууцаар солих нь зах зээлийн ханшаар шударга биш гэж иргэд үзжээ.
Гэр хорооллын дахин төлөвлөлтийн 24 байршлын 94 хувьд нь газрыг нь ухаад, хундаам цутган орхисон байна. Жишээ нь Сүхбаатар дүүргийн 15 дугаар хороон дээр иргэний хоёр давхар мансардтай байшингийн газрыг чөлөөлж, хундаам цутгаад 2.6 жил өнгөрчээ. Энэ хугацаанд тухайн өрх айл түрээсийн байранд амьдарсаар ирсэн дүр зурагтай байгаа аж.
Өнөөдөр хэрэгжиж байгаа барилгын норм, дүрэм, стандарт хөгжлийн тушаа болж байгааг барилгын компанийн болон салбарын удирдлагууд ч хэлдэг байна. 15-аас дээш давхар барилга барих нь компаниудад ашиг олох гол хөшүүрэг болох аж. Цаашдаа шинэ эх үүсвэр хэрэгтэйг ч хэлжээ.
Гэр хорооллын дахин төлөвлөлт иргэдийн дунд хүлээлт үүсгэжээ. Гэр хорооллын байршил дээрээ түшиглээд өөрсдийн хаус барих хүсэл иргэдэд байгаа гэнэ. Мөн гэр хорооллын дахин төлөвлөлтөөр газраа эдийн засгийн эргэлтэд оруулах асуудал хүлээлт үүсгэсэн байна. Үүнтэй холбогдуулан хүний эрх, өмчид халдаж байгаа талаар Хүний эрхийг хамгаалах үндэсний комисст хандахаар болсон байна. Д.Сумъяабазар гишүүнийг мэдээлэл хийсний дараа бүлгийн дэд дарга Н.Номтойбаяр сэтгүүлчдийн асуултад хариулсан юм.
-Тавантолгойн гэрээний төсөлд ямар байр суурьтай байна вэ?
-Тавантолгойгоос иргэд адил хувьцаа хүртэх ёстой. Бидэнд хараахан төсөл орж ирээгүй байна. Хаврын чуулганы нээлт дээр УИХ-ын дарга байр сууриа илэрхийлсэн. Энэ асуудлыг УИХ-аар хэлэлцэх нь зүйтэй гэсэн байр суурьтай байсан боловч өнөөг хүртэл өргөн бариагүй, УИХ-ын гишүүдэд тараагдахгүй, цаг хугацаа алдаад байна. Тиймээс хаврын чуулганы нээлтийн өглөө бэлэн болсон байсан гэрээ яагаад цаг хугацаа алдаад, өргөн барихгүй байна гэдэг хардлага байна.
-Тавантолгойн гэрээн дээр МАН-ын бүлгийн гишүүд санал хуваагдаад байна гэсэн. Энэ талаар?
-Гэрээтэй холбоотой асуудал бүлгийн хурал дээр хэлэлцэгдээгүй байгаа. Тиймээс санал хуваагдлаа гэдэг нь ташаа мэдээлэл.
Н.Энх
Уншиж байна |