Засгийн газар Тавантолгойн гэрээний төслийг УИХ-д өргөн барьсан гэдгийг Ерөнхий сайдын зөвлөх Ц.Мөнхтөр дөнгөж сая мэдэгдсэн. Тэгвэл УИХ-ын дарга З.Энхболд өөрийн твиттер хуудаснаа “Хоёр сая хувьцаа эзэмшигчдээсээ зөвшөөрлийг нь аваагүй тул Тавантолгойн тогтоолыг буцаав” хэмээн жиргэжээ.
Засгийн газар Тавантолгойн гэрээний төслийг өнгөрсөн баасан гаригт УИХ-д өргөн барьсан хэмээн мэдэгдэж буй. УИХ 72 цаг буюу гурав хоногийн дотор гэрээ хэлэлцээрийн бичиг баримтын бүрдүүлэлт ямар түвшинд байгааг нягталж үзэх ёстой. Энэ хугацаанд баримт бичгийг шалгаж, дутуу материалыг ирүүлэхийг хүссэн аж. Харин Засгийн газар дутуу баримт бичгийг ирүүлээгүй учраас гэрээний төслийг УИХ-ын даргад өргөн барих хугацааг товлох боломжгүй гэдгийг л доорх албан бичгээр мэдэгджээ.