Хэдхэн хоногийн өмнө буюу энэ сарын 16-ны өдрийн шөнийн 02.45 цагт УИХ-ын гишүүн С.Ганбаатар нэгэн мэдэгдэл хийсэн билээ. Тэрбээр Ховд аймгийн төвөөс буюу Ховд телевизийн байрнаас шөнө дунд хэсэг нөхдийн хамт мэдэгдэл хийсэн.
С.Ганбаатар хийсэн мэдэгдэлдээ “Ард Аюушийн алдарт нутгаас, эрх чөлөөний тэмцэгч би Ховдын ахан дүүстэйгээ хамтарч мэдэгдэл хийж байна. Оюутолгой бол бидний том охин, том охиноо хүнд өгчихөөд тэр чигт нь тавиад туухгүй” хэмээсэн. Түүний хийсэн эрс хатуу мэдэгдлийн ачаар “Оюутолгой” төслийн хоёрдугаар ээлжийн санхүүжилт нам зогсчээ.
Төслийн санхүүжилт нам зогссонд С.Ганбаатар төдийгүй дэмжигчид нь их баяртай байгаа гэнэ. Дэмжигчид нь “С.Ганбаатар гишүүний 11 жилийн тасралтгүй тэмцэл үр дүнд хүрч төсөл гацлаа. Чаддаг юм байна, болдог юм байна” хэмээн гүнээ бахдаж байгаа сурагтай.