Засгийн газраас Тавантолгойн хөрөнгө оруулалтын гэрээний төслийг УИХ-д яг одоо өргөн барьж байна. Засгийн газрын Хэрэг эрхлэх газрын дарга С.Баярцогт, сайд М.Энхсайхан нар төслийг өргөн барихаар УИХ-ын даргын өрөөнд орсон байна.
Тавантолгойн төслийн асуудлаар өчигдөр Ерөнхийлөгч, УИХ-ын дарга болон Ерөнхий сайд нар уулзаж нэгдсэн ойлголцолд хүрсэн талаар мэдээлэл түгсэн. Ерөнхийлөгчийн зүгээс ч Тавантолгойн төслийг өнөөдөр өргөн баригдаж цааш явах байх гэсэн мэдээллийг олон нийтийн сүлжээгээр жиргэсэн байсан. Ямартай ч Засгийн газраас Тавантолгойн төслийг УИХ-д өргөн барилаа.
Монгол Улсын сайд М.Энхсайхан удахгүй мэдээлэл хийнэ гэсэн зар тараад байна.
Н.Нягт