АНУ-ын Нью Йорк хотын “Lincoln” цэнгэлдэхэд зохион байгуулагдсан “TIME” сэтгүүлийн хүндэтгэлийн арга хэмжээнд реппер Кейни Уэст болон реалити шоуны од Ким Кардашиан нар оролцжээ. “TIME” сэтгүүл энэ оны 100 эрхмээр Кейни Уэстийг нэрлэсэн юм. Улаан хивсний ёслолын үеэр Ким “Sophie Theallet” брэндийн урт хормойтой даашинз өмссөн байж. Кимийн дэргэд зогсч байсан бүсгүй түүний даашинзны хормойд тээгэлдэж газар унасан тухай “www.dailymail.co.uk” мэдээллээ.

Бүсгүй даашинзных нь хормойд тээглээд Кейни, Ким хоёрын өмнө унасан байна. Түүнийг босоход тэд туслахын оронд шоолж инээсэн байна. Энэхүү үйл явдлын дараа олон хүн дургүйцлээ илэрхийлж “Тархигүй Ким” хэмээн жиргэцгээсэн байна.

Газарт унасан бүсгүй “Муухай юм. Кейни ч яахав. Ким эмэгтэй хүн бас хормойд нь тээгэлдээд унасан хүнд тусламжийн гараа ч сунгаагүй. Дэндүү арчаагүй юмаа” гэж жиргэжээ.

Б.Дэлгэрцэцэг