Улсын Тэргүүний 84-р сургууль жил бүрийн дөрөвдүгээр сард ”Эцэг эхийн өдөрлөг”-ийг зохион байгуулдаг уламжлалтай. Энэхүү өдөрлөгийг өмнөх жилүүдэд сургууль дээрээ зохион байгуулж, сурагчид эцэг эхчүүддээ юу сурч мэдсэнээ тайлагнаж ирсэн юм. Тэгвэл найм дахь жилдээ зохиогдсон энэ удаагийн “Эцэг эхийн өдөрлөг”-ийг Монгол бөхийн өргөөнд зохион байгууллаа.
Тус сургуулийн сурагчид энэ үеэр хичээлээс гадуур сонгон суралцдаг спорт, урлагийн дугуйланд юу сурсан бэ гэдгээ эцэг эхчүүддээ сонирхуулж, өөрсдийн тоглолтоор бэлэг барив. Мөн хими, физикийн хичээл дээрээ хийдэг туршилтуудыг ахлах ангийн хүүхдүүд нь дүү нартаа сонирхууллаа. Түүнчлэн гар урлал, сийлбэр, гар зургийн бүтээлийн үзэсгэлэнгээ дэлгэн харуулж, аав ээж, анд найз, багш нартаа сонирхуулав.
Мөн энэ үеэр 84 дүгээр сургуулийн захирал С.Марта шилдэг багш, сурагчид болон энэхүү өдөрлөгийг зохион байгуулахад хувь нэмрээ орулсан эцэг эхийн төлөөлөлд шагнал гардуулж, сурагчдын хийсэн бүтээлээр бэлэг барьсан юм. Тус сургуулийн зохион байгуулдаг энэхүү өдөрлөг нь эцэг эх, цагш, сурагчдын хамтын хөдөлмөрийн үр дүнд өрнөдөг бөгөөд дугуйланд суралцсанаар хүүхэд багачууд урлаг, спортын, оюун ухааны чадвар хэрхэн өссөн гэдгээ тайлагнах боломжийг олгодог ажээ.
П.Наран
Уншиж байна |