“Эрдэнэс Тавантолгой” компанийн гүйцэтгэх захирал асан Я.Батсуурь өнөөдөр батлан даалтад гаргасан гэж эх сурвалж мэдээллээ.

Тэгвэл тэрбээр батлан даалтад гарсан даруйдаа эмнэлэгт хэвтэн эмчилгээ хийлгэж эхэлсэн байна.

Баттай эх сурвалжийн мэдээлж буйгаар түүний нойр булчирхайн архаг үрэвсэл, зүрх судас, артерийн даралт ихсэх зэрэг өвчин нь хүндэрсэн юм байна.

Тэрбээр өнгөрсөн долоо хоногт  УИХ-ын гишүүн Р.Гончигдорж, Нийслэлийн Засаг дарга бөгөөд Улаанбаатар хотын захирагч Э.Бат-Үүл нарт хандан, захидал илгээсэн байдаг.

Уг захидалдаа тэрбээр намын нөхдөөсөө “Батлан даалтад гарахад минь туслаач” гэсэн агуулгыг илэрхийлсэн байсан билээ.

Энэ сарын 21-нд буюу даваа гаригын Ардчилсан намын бүлэг хуралдаж, Я.Батсуурьт холбогдох асуудлыг яаралтай хэлэлцсэн байдаг. 

Б.Дэжид