Дэлхийн II дайны үед ЗХУ-ын “Улаан арми”-ийн цэргүүд Москвагаас Берлин хүртэл туулсан ялалтын жимээр Оросын эх оронч байкерууд энэ сарын эхээр аялал хийхээр замдаа гарсан юм. “Шөнийн чононууд” нэртэй байкерууд Европыг туулан Германы Берлин хотноо хүрэх төлөвлөгөөтэй байгаа. Польшийн Засгийн газар өнгөрсөн долоо хоногт “Шөнийн чононууд”-ыг эх газартаа нэвтрүүлэхийг хориглосон юм. Дээрх хоригоос болж байкерууд зорьсон газартаа хүрэх хугацаанаас нэлээн хожимдож, Москва хотноо болох Ялалтын 70 жилийн ойн баярт оролцох боломжгүй болсон юм.
Байкерууд Польшийн удирдлагуудыг шийдвэрээ өөрчлөхийг хүсч “Бид эх орноо хүндэтгэдэг. Тиймээс энэ аяллыг эхлүүлсэн” хэмээн мэдэгдэж, ОХУ-ын Ерөнхийлөгч В.Путинээс туслалцаа хүссэн юм. Путин, Польшийн Засгийн газрын тэргүүнтэй утсаар ярьж, улмаар байкеруудыг хил нэвтрүүлэхийг зөвшөөрүүлж чаджээ.
“Шөнийн чононууд” зорьсон газраа хүрч, өчигдөр Варшав хотноо байрлах Орос цэргүүдийн хүндэтгэлийн хөшөөнд цэцэг өргөж, Берлин хүрэх замдаа гарчээ. Байкерууд “1941-1945 зам” гэх бичигтэй савхин хүрмээр жигдэрсэн байна.
Б.Дэлгэрцэцэг
Уншиж байна |