Тавантолгойн гэрээний төслийг УИХ-аар хэлэлцэх эсэхийг шийдэж, дүгнэлт гаргах ажлын хэсэг өчигдөр байгуулагдсан. УИХ-ын дарга З.Энхболдын захирамжаар байгуулагдсан уг ажлын хэсгийг гишүүн Л.Эрдэнэчимэг ахална. Тэгвэл ажлын дэд хэсгийн ахлагчаар УИХ-ын даргын хуулийн бодлогын зөвлөх А.Гансүх томилогджээ.

Тавантолгойн гэрээний төслийг яаралтай зогсоох ёстой хэмээн мэдэгдсэн УИХ-ын гишүүнийг ахлагчаар нь томилж, гэрээний зарим заалт хууль зөрчсөн хэмээн эсэргүүцэж буй зөвлөхөөрөө дэд хэсгийг ахлуулсан нь санаандгүй хэрэг биш. Нэг үгээр хэлбэл спикер Тавантолгойн гэрээний төслөөс заавал “но” илрүүлэхийг хүссэн бололтой.

МАН-ын гишүүдийг эс тооцвол УИХ-ын ажлын хэсгийн гол эрх мэдлийг Тавантолгойн  эсрэг байр суурьтнуудад атгуулжээ.