Дэлхийн II дайнд ЗХУ-ын цэргүүд фашист Германыг ялж, түүхэн ялалт байгуулсан билээ. Энэ сарын 9-нд Москва хотноо агуу их ялалтын 70 жилийн ой болох бөгөөд тус улсын Ерөнхийлөгч В.Путин найрсаг харилцаатай байдаг 80 орны төрийн тэргүүн рүү урилга явуулж, эх орондоо урьсан билээ.
Украины зүүн хязгаарт болж буй хямралын гол буруутанг Оросын удирдлагууд хэмээн олон улс үзэж, Путиний урилгаас татгалзсан. АНУ, Их Британи, Герман, Австрали тэргүүтэй 20 гаруй орны удирдлага Путиний саналаас татгалзсан юм. Олон улсын анхаарлыг татаад байсан Хойд Солонгосын удирдагч Ким Чен Уны анхны гадаад дахь айлчлал болохгүй гэдгийг Путиний хэвлэлийн төлөөлөгч Дмитрий Песков өчигдөр албан ёсоор мэдэгдэж, “Удирдагч Москвад ирэхгүй” гэсэн юм.
Ерөнхийлөгч В.Путин өчигдөр “www.tass.ru” агентлагт “Агуу их ялалтын баяр ганц Оросын ард түмний баяр биш. Энэ бол олон улсын баяр. Миний урилгаас татгалзсан тэр хүмүүст би гомдож, муу санахгүй байна. Та бүхний сонголтыг хүндэтгэж байна” гэж хэлжээ.
Б.Дэлгэрцэцэг
Уншиж байна |