Бөхийн чөлөөт барилдааны Ази тивийн аварга шалгаруулах тэмцээн энэ сарын 6-9-ны өдрүүдэд Доха хотноо зохион байгуулагдана. Энэ жил эрэгтэй чөлөөт бөхийн ХХҮIII, эмэгтэй чөлөөт бөхийн ХҮIII дахь аварга шалгаруулах тэмцээн болж буй юм.
Тэмцээний тэмцээний үеэр Азийн бөхийн холбооны их хурал болох бөгөөд МЧБХ-ны ерөнхийлөгч Д.Дагвадорж оролцох аж. Тэмцээнд эрэгтэйчүүдийн 57 кг-д Эрдэнэбатын Бэхбаяр, 61 кг-ын жинд Батболдын Номин, 65 кг-д Гавьяат тамирчин Ганзоригийн Мандахнаран нар барилдана. 70 кг-д Гантулгын Идэрхүү, 74 кг-д Доржваанчигийн Гомбодорж, 86 кг-ын жинд Пүрвээгийн Өсөхбаатар, 96 кг-д Доржхандын Хүдэрбулга, 125 кг-ын жинд Нацагсүрэнгийн Золбоо зодоглоно.
Харин эмэгтэйчүүдийн 48 кг-ын жинд Цогтбаатарын Бямбазаяа, 53 кг-д Эрхэмбаярын Даваачимэг, 55 кг-ын жинд Пүрэвдоржийн Орхон, 58 кг-д Спортын мастер Энхбатын Гантуяа хүч үзнэ. Мөн 63 кг-ын жинд Энхбаярын Цэвэгмид, 69 кг-д Шархүүгийн Түмэнцэцэг, 75 кг-ын жинд Бадрахын Одончимэг Азийн аваргын төлөө хүч үзэхээр Дохаг зорьсон.
Б.Бэхи
Уншиж байна |