УИХ-ын чуулганы нэгдсэн хуралдаанаар Нийслэл хотын татварын тухай хуулийн төслийн анхны хэлэлцүүлгийг хийлээ. Уг хуулиар нийслэлд ресторан, баар, дэлгүүр зэрэг үйлчилгээний газраар үйлчлүүлж, архи, тамхи зэрэг онцгой албан татварын бараа худалдан авсан тохиолдолд 0-1 хувийн татвар төлж байхаар тусгажээ. Гишүүд эдийн засгийн хямралтай, Ерөнхий сайд татвар авахгүй гэсэн мэдээлсний дараа уг хуулийн төслийг хэлэлцэж байгаад шүүмжлэлтэй хандаж байлаа. Гишүүдийг асуулт тавьж, саналаа хэлсний дараа УИХ-ын дарга З.Энхболд “Архи уудаг, тамхи татдаг, буудалд хонодог хүмүүсийн лобби хүчтэй явагдлаа. Засгийн газар төслөө татаж авахгүй. Одоо саналаа хураая” хэмээв.
Н.Нягт
Уншиж байна |