Германы Канцлер Ангила Меркел өнөөдөр ОХУ-ын нийслэл Москва хотноо хүрэлцэн ирсэн тухай “www.tass.ru” мэдээллээ. Тэрбээр агуу их ялалтын 70 жилийн ойн баярт оролцоогүй юм.

Канцлер тус улсын Ерөнхийлөгч В.Путиний хамтаар дэлхийн II дайны үеэр амиа алдсан цэргийн хөшөөнд цэцэг өргөж, хүндэтгэл үзүүлжээ. Путин, Меркелд талархлаа илэрхийлээд “Танд гүнээ талархал илэрхийлье. Москвад тавтай морил” гэж хэлжээ. Тэд Украины зүүн хязгаарт болж буй зөрчил мөргөлдөөний асуудлаар ярилцаж, байр сууриа солилцсон тухай Путиний хэвлэлийн төлөөлөгч Дмирий Песков хэвлэлийхэнд мэдэгдэж “Удирдагчид шийдвэртэй алхам хийхээр зорьж байгаа. Тэд Минскийн гэрээний хэрэгжилтийн асуудлаар ярилцаж, Украинд тусламж үзүүлэхээр тохиролцсон” гэж хэлжээ.

“Канцлерийн айлчлал маргааш өндөрлөх болно” хэмээн Путиний туслах Юрий Ушаков мэдэгджээ. Тэрбээр “Ерөнхийлөгч, Канцлерийн айчлалд ихээхэн ач холбогдол өгч байгаа. Энэхүү айлчлалын хүрээнд Украины хямралыг цэглэх зорилготой байна” гэжээ.

Б.Дэлгэрцэцэг