Дахин төлөвлөлт хийх компаниудад батламж гардууллаа
2015-05-25

Нийслэлийн ИТХ -  ын ээлжит 17 дугаар хуралдаанаар "Нийслэлийн орон сууцны хөтөлбөр" - ийг баталсан. Тус хөтөлбөр нь  Гэр хорооллыг дахин төлөвлөж барилгажуулах замаар иргэдийг орон сууцаар хангах, Хуучин баригдсан орон сууцны нөхцөлийг сайжруулах, шинээр барилгажуулах, Иргэдийн оролцоотойгоор газар шинэчлэн зохион байгуулж, газар ашиглалтыг сайжруулах, газрын үнэ цэнийг нэмэгдүүлэх, нийгмийн болон инженерийн дэд бүтэцтэй амины орон сууц голлосон хороолол болгон хөгжүүлэх, иргэдийн амьдрах орчинг сайжруулах, Түрээсийн орон сууц хөгжүүлэх замаар нийгмийн зорилтот бүлгийн иргэдийг орон сууцаар хангах, Шинэ суурьшлийг бий болгох замаар иргэдийг орон сууцжуулах гэсэн 5 чиглэлээр нийслэлийн иргэдийг орон сууцжуулах юм.



Хуучин баригдсан орон сууцны нөхцлийг сайжруулах, шинээр барилгажуулах ажлыг хэрэгжүүлэхээр Нийслэлийн ИТХ-ын Тэргүүлэгчдийн 2014 оны 90 дугаар тогтоолоор “Ашиглалтын шаардлага хангахгүй болсон нийтийн зориулалттай орон сууцны барилгыг дахин төлөвлөж барилгажуулах журам”-ыг баталсан. Үүний дагуу нийслэлийн Мэргэжлийн хяналтын газрын шийдвэрийг үндэслэн нийслэлийн Засаг дарга эхний ээлжийн 21 барилгыг барилгажуулах шийдвэр гаргаж, “Төсөл хэрэгжүүлэгчээр батламжлах, гэрээ байгуулах эрх олгох тухай” захирамж гаргасан юм.



Энэхүү ажлын хүрээнд нийслэлийн Засаг дарга бөгөөд Улаанбаатар хотын Захирагч Э. Бат-Үүл төсөл хэрэгжүүлэгчээр шалгарсан 7 компанид батламж гардууллаа гэж Нийслэлийн Ерөнхий төлөвлөгөөний газраас мэдээллээ.
 

Багц

Төсөл хэрэгжүүлэгч  

1

БГД-4           Захирамж: А/317
Баянгол дүүрэг, 4 дүгээр хороо 1, 2, 3 дугаар байр нийт 0.67га

"Сити палас" ХХК

2

БГД-5            Захирамж:А/319
Баянгол дүүрэг, 4 дүгээр хороо 4, 5, 6 дугаар байр нийт 0.3га

"Эич энд эйч констракшн" ХХК

3

БГД-6           Захирамж:А/318
Баянгол дүүрэг, 4 дүгээр хороо 7, 8, 9,  дугаар байр нийт 0.67га

"Эм Ар Эс Ди" ХХК

4

БГД-7            Захирамж:А/320
Баянгол дүүрэг, 1 дүгээр хороо  10, 11, 12 дугаар байр 0.51га

"Фүжи холдинг ББСБ" ХХК

5

БГД-8           Захирамж:А/321
Баянгол дүүрэг, 1 дүгээр хороо  13, 14, 15, 16 дугаар байр
 нийт 0.39га

"Алтан трейд" ХХК

6

БГД-9           Захирамж: А/322
Баянгол дүүрэг, 1 дүгээр хороо17, 18, 20  дугаар байр нийт 0.35га

"Тэргүүн чансаа" ХХК

7

БГД-10           Захирамж:А/316
Баянгол дүүрэг, 20 дугаар хороо БХН-30, БХ-2-27, БХ-1-27, БХН-48, АТ-12, ОС-8, ТТЭ-37 дугаар байр нийт 2.24га

"Молор констракшн" ХХК

 

 

Shuud.mn
Сонин хачин