Монгол Улсад элэг нэгт, Монголоо гэсэн сэтгэлтэй өвөрмонгол иргэдийн эрх зөрчигдөж байгаа талаар “Монгол хүн монгол хүндээ туслая” төрийн бус байгууллага болон Хохирогчдын холбооны тэргүүн Х.Оюунцэцэг нар мэдээлэл хийлээ.
Өнөөдөр 1000 орчим өвөрмонгол иргэн Монголд ажиллаж, сурч байгаа. Өвөрмонгол хүнийг шуудайтай мөнгө шиг харж байна хэмээн Иргэний нийгмийн байгууллагынхан ярилаа. Гэтэл тэд Монгол ирээд ад үзэгдэж, эрүүл мэнд, эд хөрөнгөөрөө хохирдог хэмээн Өвөрмонголчуудын эрхийг хамгаалахын төлөө тэмцдэг “Дэлхийн монголчуудын өв сангийн холбоо” ТББ-ын зөвлөх, сэтгүүлч Ч.Мөнхбаяр онцоллоо.
Тухайлбал, "Хөлөнбуйр аймгаас ирсэн С.Билигбаатарыг Монголын гурван иргэн хужаа хэмээн зодсон бөгөөд амиа аврахын тулд тэрээр хоёр давхараас үсэрч хугархай хөлтэй цэргийн ангийн хашааг давжээ. Түүнийг цэргүүд барьж аван түргэн дуудахад эмч нь нутагтаа очиж яаралтай мэс засал хийлгэхгүй эд эс нь үхжиж байна гэжээ.
Гэтэл түүнийг хэргээс мултрахын тулд хөлөө хугалж, биеэ хөх няц болгож өөрийгөө гэмтээсэн, цэргийн анги руу нэвтэрсэн хэмээн хэрэгт холбогдуулах гэж байхад нь хүний эрхийг хамгаалагчид хэргийг нь хэрэгсэхгүй болгуулж нутаг руу нь явуулсан. Мөн тэрээр хүчнийхнээс амь аврагдахын тулд гомдолгүй гэж мэдэгдээд, хохирч үлдсэн гэдгийг онцолсон юм.
Түүнчлэн, сэтгүүлч Ч.Мөнхбаярыг Өвөрмонголчуудыг өмөөрлөө хэмээн олны танил нэгэн этгээд алхам тутамд нь мөшгиж, заналхийлэх болсон талаар ярьсан юм.
Б.Дэжид
Уншиж байна |