Францын нэрт жүжигчин Жерар Депардье 2013 онд иргэншилээ сольж, ОХУ-ын иргэн болсон юм. Тэрбээр Ерөнхийлөгч В.Путинээс паспортоо гардан авсан бөгөөд өнөөдрийг хүртэл Сочи хотноо гэр бүлийнхээ хамтаар амьдарч байна. Иргэншилээ сольсноос хойш  Жерар Депардье ямар ч хэвлэлд ярилцлага өгөөгүй бөгөөд өчигдөр Оросын 14 сувагт ярилцлага өгсөн тухай “www.themoscowtimes.com” мэдээллээ.

Тэрбээр “Би Орос орны төлөө үхэхэд бэлэн байна. Би Орос хүн. Энэ улсын бүх хүмүүс хүчирхэг, дайчин. Өдөр бүр би оросуудаас эрч хүчийг мэдэрч, бахархаж явдаг. Хэрвээ надад боломж олдвол Орос орон, орон хүмүүсийн төлөө амиа өргөхөд бэлэн” гэж хэлжээ.

Жүжигчин мөн “Францад амьдарч байхдаа хэзээ ч эрх чөлөөтэй байгаагүй” хэмээсэн байна.  Тэрбээр Украины зүүн хязгаарын талаар байр сууриа илэрхийлсэн бөгөөд Оросын талыг баримтлагчдыг “жинхэнэ эх орончид” гэж дүгнэжээ.

Б.Дэлгэрцэцэг