Улаанбаатар хотын нэгэн дүүрэгт хар тамхи боловсруулж, бэлдээд худалдаалдаг болох нь тогтоогджээ.

Тодруулбал, ЭЦГ-аас Хар тамхины гэмт хэрэгтэй холбогдсон 20 гаруй хүнийг  баривчлан цагдан хорьж, хэргийг шалгаж байгаа билээ. Тэгвэл эдгээрийн дотор хар тамхи үйлдвэрлэж байсан этгээдүүд байгаа нь илэрчээ. 

Хар тамхи үйлдвэрлэгч этгээдүүд гадаадын иргэнтэй хамтран жижиг үйлдвэрийн цехдээ хар тамхины төрлийн гашиш болон каннабисын давирхайг ялган авч, нунтаглах аргаар боловсруулан баримлын шавар мэт болгон бэлддэг байжээ.

Тэр бэлдмэлээ өндөр үнээр борлуулдаг өөрийн захиалагч, худалдан авагч сүлжээ ч үүсгэсэн байсныг илрүүлэн шалгаж байгаа юм. Тиймээс нэлээд олон хүнийг хамрах төлөвтэй болжээ. Хар тамхитай холбогдсон хүмүүсийг гэрээс нь, хилээр орж ирэхэд нь, "мөс"-өө бусдад худалдах гэж байхад нь баривчилжээ.

Б.Дэжид