Дэлхийн бөхийн нэгдсэн холбоо/UWW/-ноос чөлөөт бөхийн шинэчилсэн чансааг лхагва гарагт зарласан байна. Тэгвэл уг чансааны хоёрдугаарт манай улсын тамирчин,эрэгтэйчүүдийн 57 кг-д ОУХМ, Ази тивийн аварга Э.Бэхбаяр бичигджээ.
ДБНХ-ноос жин бүрийн эхний 20 бөхөөр Дэлхийн шилдэг бөхийн чансааг гаргадаг. Манай улсын найман бөх энэ тэргүүлэгчдийн дунд багтан орсон байна.
Тухайлбал, 57 кг-д Бэхбаяраас гадна 11 дүгээрт Д.Цогтбаатар эрэмбэлэгджээ. Мөн 61 кг-д гавьяат тамирчин Э.Ням-Очир наймдугаарт, 61 кг-д Б.Номин 19 дүгээрт, 65 кг-д гавьяат тамирчин Г.Мандахнаран зургадугаарт, 86 кг-д О.Үйтүмэн зургадугаарт, 97 кг-д Д.Хүдэрбулга 18 дугаарт, 125 кг-д Ж.Чулуунбат 12 дугаарт тус тус бичигджээ.
Б.Дэжид
Уншиж байна |