ХХААЯ-ны шинжлэх ухаан, технологийн салбар зөвлөлөөс  “Мониторинг-2015” ажлыг зохион байгууллаа.

Энэ ажлын хүрээнд дэд сайд Б.Батзоригоор ахлуулсан ажлын хэсэг Улсын мал эмнэлэг, ариун цэврийн төв лаборатори, Мал эмнэлгийн хүрээлэн, Биокомбинат ТӨААТУҮГазар, ШУТИС-ийн харьяа Хүнсний эрдэм шинжилгээний төв зэрэг салбарын эрдэм шинжилгээний байгууллага, үйлдвэрийн газруудын үйл ажиллагаатай танилцсан аж.

Энэ үеэр салбарын эрдэм шинжилгээний хүрээлэнгүүдэд хэрэгжиж буй болон хэрэгжсэн  шинжлэх ухаан, технологийн төслүүдтэй танилцаж, төслийн үр дүн болсон биет бүтээлийн үзэсгэлэнг танилцуулсан байна.

Түүнчлэн эрдэм шинжилгээний байгууллага, үйлдвэрийн газрын өнөөгийн байдал, цаашид авч хэрэгжүүлэх шаардлагатай асуудал, арга хэмжээний талаар санал солилцон хамтын ажиллагааны уялдаа холбоог сайжруулах, бодит үр дүнг нэмэгдүүлэх чиглэлээр хамтран ажиллахаар боллоо.  

Ажлын хэсгийн бүрэлдэхүүнд Хүнс, хөдөө аж ахуйн яамны Шинжлэх ухаан, технологийн салбар зөвлөлийн гишүүд, БСШУЯамны төлөөллүүд багтсан аж.

П.Наран