Монгол Улсын Ерөнхийлөгч Ц.Элбэгдорж өчигдөр Францыг зорьсон. Тэрбээр Европын Парламентын Ерөнхийлөгч Мартин Щульцийн урилгаар Европын Парламентад албан ёсны айлчлал хийж буй юм.

Ерөнхийлөгч өнөөдөр оройн 20.00 цагт Евро Парламентын Хүндэтгэлийн чуулганд үг хэлэх юм байна. Энэ нь Монгол Улсын төрийн тэргүүний хувиар үг хэлж буй анхны тохиолдол аж.

Евро Парламент нь 28 орны 751 гишүүнтэй юм байна.