УИХ-ын гишүүн Г.Уянга Оюу толгойн гэрээтэй холбоотой С.Баярын долоон байрны хэргийг дэлгэсэн боловч одоо болтол шийдэгдээгүй байна. Шуугиан дэгдсэний дараа С.Баяр өөрөө АТГ-т хандан шалгуулах хүсэлтээ илэрхийлсэн. Гэвч АТГ өнөө хэр С.Баярын долоон байрны асуудлыг нэг тийш болгохгүй байгаагийн учрыг түүний ууган охин Б.Нандингаас нь хайвал зүйтэй аж.
Б.Нандин 1977 онд АНУ-ын Нью-Йорк хотод төрсөн гэх бөгөөд 1995 онд АНУ-ын иргэншилтэй болсон. Түүний нөхөр нь Италийн мафитай холбоотой, АНУ-д Феррари машин борлуулдаг гэж эх сурвалж хэлдэг. Харин С.Баяр авлигаар авсан байрнуудаа бүгдийг нь АНУ-ын иргэншилтэй охин Б.Нандингаараа дамжуулан худалдаж авчээ. Тэгэхээр дээрх хэргийг эцэслэн шийдэхийн тулд АТГ Б.Нандинг шалгах, байцаалт авах учиртай. Гэвч иргэдийнхээ эрх ашгийг дэлхийн хаана ч хамгаалдаг АНУ Монголын АТГ-т тийм боломж олгох нь юу л бол?!
Урьд өмнө АНУ-ын иргэдтэй холбоотой хэрэг Монголын цагдаа, шүүхэд нэг бус удаа очиж байсан ч манай хуулиар шийдэгдсэн тохиолдол ганц ч байхгүй. Тухайлбал Хөвсгөл аймагт монгол хүнийг гэгээн цагаан өдөр буудаад алчихсан АНУ-ын иргэнийг тэд нутагтаа шүүх нэрийдлээр авч явсан. Харин түүнд ямар ял шийтгэл оноосныг бид мэдээгүй. Тэгэхээр С.Баяр энэ бүхнийг эртнээс тооцож авлигаар авсан их хэмжээний мөнгөө АНУ-ын иргэншилтэй охиноороо угаалгажээ. Одоо АНУ-ын иргэн Б.Нандинг Монголын АТГ шалгах ёстой. Гэвч ийм боломж байгаа болов уу?!
Эх сурвалж: 311.mn