Энэ оны тавдугаар сарын байдлаар манай улсад нийт 32009 ажилгүй иргэн бүртгэгджээ. Энэ нь сүүлийн таван жилийн тавдугаар саруудын хамгийн бага үзүүлэлт аж. Өөрөөр хэлбэл 2010 оноос хойш бүртгэгдсэн ажилгүйчүүдийн тоо энэ оны тавдугаар сард хамгийн бага гарчээ. Харин хамгийн их нь 2012 оны тавдугаар сард 58159 ажилгүй иргэн бүртгэгдэж байсан үзүүлэлт юм байна.

Энэ тавдугаар сард бүртгэгдсэн нийт ажилгүй иргэдийн 19.2 мянга буюу 59.9 хувийг 15-34 насны залуус эзэлж байна.