Энэ онд Улаанбаатар хот, Орхон, Дархан-Уул аймагт зургаан компани нийт 14.5 мянган тонн мах нөөцөлж, өнгөрсөн IV сарын нэгнээс худалдаанд гаргасан. Одоогийн байдлаар 74.3 хувь буюу 10.4 мянган тонн мах борлуулаад байна.
Улаанбаатар хотод “Баатарууд тэнгэр” ХХК Баянзүрх, Хан-Уул, Чингэлтэй дүүргүүдэд 100 гаруй дэлгүүрээр, “Эй Эн Ди Эм” ХХК нь Сүхбаатар, Баянзүрх, Багануур дүүргийн 80 дэлгүүрээр, “Мах импекс” ХХК Сонгино хайрхан дүүргийн 40, Чингэлтэй дүүргийн 33, Төв аймгийн 10 дэлгүүрээр, “Мах маркет” ХХК Сонгино хайрхан, Баянгол дүүргийн 47 дэлгүүртэй гэрээ байгуулан, нийт 80 орчим худалдааны цэгээр, Эрдэнэт хотод “Эрдмийт” ХХК 33 цэгээр, Дархан хотод “Дархан меат фүүдс” ХХК 90 гаруй цэгээр нөөцийн махыг борлуулж байна.
Мөн Улаанбаатар хотын захирагчийн ажлын албаны шийдвэрээр V сарын 23-наас эхлэн VII сарын 31-нийг хүртэл амралтын өдрүүдэд “Мишээл экспо”, “Скай”, ”Оргил” зэрэг томоохон худалдааны төвүүдийн гадна талбай, “Далай ээж”, “Бөмбөгөр”, “Бүрд”, “Орхон” зэрэг хүнсний захуудын гадна талбайд нөөцийн махыг борлуулж эхэлжээ.
Уншиж байна |